نصيحة ابو حلمي للسعاده
نصيحه لابو حلمي لجميع الرجال
خرج أبو حلمي علي المعاش وأصبح تواجده في المنزل دائماً . وكعادة جميع المعاشات كترت إنتقاداته لأم حلمي في شؤون البيت ، وكثر صراخه وزعيقة علي الفاضي والمليان . مرة يقول إطفوا النور فاتورة الكهرباء خربت بيتي إقفلي التكييف يا بنتي المية خسارة كتييير .. غسلتوا الهدوم ونظفتوا البيت النهاردة ولا لسة ومشاكل وإزعاج من دة مع الأولاد طوال اليوم .......
الجميع في البيت لعن الساعة التي تقاعد فيها أبو حلمي وخاصة أم حلمي كرهت اليوم إللي طلع فية أبو حلمي علي المعاش .
إلا أن أبو حلمي إنتبه أن الكل متضايق منه وشعر بالكراهية ومحدش طايقة من كل أفراد البيت ،
فقرر أن يلاقي طريقة يقلل بيها من تواجده في البيت. فراح يتمشي من الزهق في المتنزه وفي المولات وهو مهموم . وبالصدفه يقابل زميلة له من الشغل وسلم عليها وبتسأله عن حاله وليه شكلة مهموم فأخبرها عن كل أحوالة بالتفصيل .
فقالت له : معلهش تعال ننسي الهموم ونعيش ونتجوز ، أنا كمان وحيدة في البيت وزوجي توفاة الله ومات من كذا سنة .
أبو حلمي مكذبش خبر وجري معاها وتزوجها على سنة الله ورسوله .
وفي صباح اليوم التالي عاد إلى منزله فسألته أم حلمي : "خير يا حاج كنت فين من إمبارح؟؟؟
قالها : الحمد لله إتوظفت !!
فرحت أم حلمي والزغاريد لإنها كانت عايزة تخلص من قعدتة في الييت وقالت لة : عفارم عليك إنت لسة شباب وإذا اشتغلت تبقي شغلت نفسك بحاجة تفيدك وتنفعنا معاك . وعلى رأى المثل : الحركة بركة يا أبو حلمي ، لكن أية هو شغلك الجديد؟
فأجاب : حارس أمن ليلي
قالت له : ما شاء الله ، يجعلها وظيفة مبروكة ...!
المهم كل ما أبو حلمي يروح لأم حلمي البيت في الصبح منهك وتعبان من وظيفته الجديدة . تجهزله الفطور والمحمر والمشمر . وبعد الفطور تقول له : باين عليك تعبان قوم ريح جسمك وأنا أصحيك الظهر نتغدى و تروح علي شغلك وإنت مرتاح وحيلك قوي ...!
وهكذا عادت لأبو حلمي هيبته وإحترامه وشغل وقته بشيء مفيد . وأعاد لعائلته الهدوء والسكينة.
عفارم عليك ابو حلمى على حسن تصرفك 😂😂😂😂😂😂😂
هههههههههه
تعليقات